Brama
cars az
Brama
Brama

Rezin döşəklərin satışı.Alman keyfiyəti.Əlaqə 070 258 80 58

Ev heyvanlarının ətinin faydaları

Ev heyvanlarının ətinin faydaları
Ev heyvanlarının ətinin faydaları
Ev heyvanlarının əti insan orqanizmini lazımi maddələrlə təmin edən bir qida maddəsi kimi qiymətləndirilib. Bunlardan bəziləri haqqında qısa məlumatı sizlərə təqdim edirəm.
  • Mal əti
Həm qida maddəsi kimi,həm də müalicəvi-profilaktik baxımdan faydalıdır.Ən yaxşısı bir illik dana ətidir.Bir yaşdan yuxarı mal əti bədənə istilik,quruluq verir,gec həzm olunur.Onu həll bişirmək, sirkə və ədviyyələrla, o cümlədən darçın işlətməklə yeməkməsləhətdir. Mal əti bədəni qüvvətləndirir,kökəldir,pəhriz məqsədilə münasibdir,sidikqovucu təsirə malikdir.Mal budunun iliyini sürtdükdə dəridə olan şişləri yatırır və baş ağrısını sakitləşdirir.Malın təzə qanının arpa unu ilə təpitməsi də şişlər üçün münasibdir.
  • Qoyun əti
Bədənə istilik verir, kökəldir, orqanizmi möhkəmləndirir, qan əmələ gətirir. Daxili üzvləri, o cümlədən ürək, böyrək və qaraciyəri möhkəmləndirir. Birillik, ikiillik kök qoyunun əti faydalıdır. Boyun və ətrafların əti daha xeyirlidir. Vaxtaşırı qoyun ətinin həll bişirilmiş bozbaşını yemək arıq və zəif insanlar üçün çox faydalıdır, həmçinin ürəkgetmə və zəiflikdən olan ürək döyünməsi hallarının qarşısını alır.Təzə kəsilən kimi qoyun piyini isti-isti yemək öskürək,sinə ağrısı,astma,sidik yanğısı üçün müsbət təsir göstərir.Qoyunun ödünü dəri üzərinə sürtdükdə dəridəki ləkələri,qotur izlərini aparır.Cismani zədələr,yara hallarında təzə və isti qoyun dərisinə bükülmək məsləhətdir,qoyunun yunu istilik və quruluq verir. Qara qoyunun yunu daha faydalıdır.
  • Toyuq əti
Bədənə istilik və quruluq verir. Toyuğa nisbətən xoruz ətinin istiliyi az,quruluğu isə çoxdur. Həll bişmiş toyuq əti orqanizm tərəfindən çox məsrəf olunur,təmiz qan yaradır. Xoruzbecə əti yemək sperma yaradır, onu saflaşdırır.Cücə əti bədəni kökəldir,üzün rəngini yaxşılaşdırır. Beyinin fəaliyyətini gücləndirir.Bir həftə onun həlimini və ətini çörək ilə yemək üz sarılığını aparır,kababı isə mədə rütubətini qurudur.
  • Ördək əti
Bədənə istilik və quruluq verir,adamı kökəldir. Səsi saflaşdırır,qəliz qan yaradır, gec həzm olunur və baş ağrısı törədir.Ördək piyi yaxşı piylərdən hesab olunur,istilik verir, həm də yumşaldıcı xüsusiyyəti vardır. Paxla unu ilə təpitməsi difteriya və döş şişi hallarında yaxşı təsir edir. Piyi oskürək üçün faydalıdır. Ördəyin qaraciyərini yemək təmiz qan yaradır,ürək döyüntüsü hallarında münasibdir.
  • Qaz əti
Öz xüsusiyyətlərinə görə ördək ətinə yaxındır. Onun yumurtası qəliz və gec həzm olunur.Arıqlıq, öskürək və sinə ağrısı hallarında yumurtasını ilıq bişirib yemək faydalıdır.
  • Dəvə əti
İki yaşına qədər cavan dəvənin əti daha yaxşı hesab olunur.Ümumiyyətlə, dəvə əti bədənə istilik və quruluq verir,cinsi fəaliyyəti və bədən üzvlərini qüvvətləndirir. Sarılıq və sidik yanğısı hallarında faydalıdır. Ancaq bu ətdən çox istifadə etmək öd xəstəliyi törədir. Dəvənin ağciyərindən isti-isti təpitmə etmək sifətdəki ləkələri aparır.
  • Keçi əti
Keçi əti soyuqluq verir. Onunla təzə meyvələr yemək məsləhət görülmür.Altıaylıq çəpiş əti bədənə rütubət verir,qan təzyiqini artırır.Keçi piyi sürtmək ağrıları sakitləşdirir,soyuqdəymə hallarında təsirlidir.Dörillik təkəni üzüm yetışən zaman kəsir,ilk və sonuncu qanını axıdır,orta halını daşdan hazırlanmış qaba tökürlər.Laxtalanıb bərkidikdən sonra onu xırda-xırda doğrayıb xəlbir və ya saman üzərində kölgə yerdə qurudurlar.Bu vasitə böyrək və sidik kisəsi daşının tökülməsində çox təsirlidir.